Guð minn góður, hvað næst?

Getur íslensk þjóð sokkið dýpra en þetta? Að hætta að fara í messu á undan þingsetningu, ég held að mönnum geti bara ekki verið sjálfrátt. Hvað næst? Ekki skylda að vera með hálstau í þingsal? Nú er það ekki skylda lengur? Ja hérna hér.

Reyndu að fá hætt við guðsþjónustu við þingsetningar

Jarlinn og vítin.

Jarlinn er ekki að dæma vítin þessa dagana. Reyndi það reyndar í Keflavík um daginn en aðstoðardómarinn kom vitinu fyrir hann.

Valur tók stigin þrjú í slagveðrinu

Þór styrkir stöðu sína en Kef og Breiðablik í fallhættu

Þetta eru fyrirsagnir á mbl.is í kvöld eftir leiki dagsins. Þessi 3 lið eru jöfn með 21 stig en Keflavík með skástu markatöluna en Þór þá lökustu. Samt var Þór að styrkja stöðu sína en hin 2 eru fallhættu. Held að þau séu öll í fallhættu, en mesta hættan er samt hjá Fram eins og verið hefur í allt sumar.

Þórsarar styrktu stöðuna

Grannaslagur??????????

Hvernig er hægt að kalla þetta grannaslag? Hugsa að það sé styttra til Reykjavíkur en Bolungarvíkur frá Ólafsvík, þó ég hafi nú ekki mælt það. Samkvæmt því er það grannaslagur þegar Víkingur Ó og ÍR mætast.

Víkingar upp fyrir BÍ/Bolungarvík með stæl

Dapurt

Var á leiknum í kvöld, og þvílíkt og annað eins!!  Verði ekki bragarbót á verðum við í botnbaráttu í haust. Það er engin miðja, enginn sem vill fá boltann í fætur heldur er boltanum þrumað út úr vörninni fram völlinnn og vonast til þess að samherji nái honum.  Ég held að það þurfi hugarfarsbreytingu víðar en hjá KSÍ þessa dagana.

Valsmenn komnir í annað sætið

Og hvernig standa svo málin?

Fyrir einhverjum mánuðum var skrifað undir samninga varðandi kísilverksmiðju í Helguvík og áttu framkvæmdir að hefjast í sumarbyrjun. Hins vegar bólar ekkert á neinum framkvæmdum og ekkert heyrist af útboðsmálum þeim tengdum. Ég ætla bara að vona að þetta sé ekki endurtekning á stálpípuverksmiðjumálinu sem átti að verða þvílík lyftistöng fyrir atvinnumálin fyrir áratug eða svo. Fyrir mér lítur þetta út sem nokkurs konar gulrót, þessi atvinnutækifæri eru alltaf rétt handan við hornið og fólki endalaust talin trú um að nú sé þetta allt að koma. Var ekki búið að ganga frá öllum málum varðandi gagnaverið á Ásbrú? Ekki verð ég var við að neitt sé að gerast þar. Eru þetta stjórnvöld sem halda þessu í klemmu eða eru þetta fjárfestarnir sem bara vilja ekki setja peningana sína í neitt hér á landi?

„Fullt tilefni til að vera bjartsýn“

Dómgæslan

Í aðdraganda ætlaðs brots Keflvíkingsins tel ég að brotið hafi verið á Ómari markmanni, en Garðar stökk inn í hann þar sem hann var að reyna að komast í boltann eftir hornspyrnu. Þetta gerðist inni í markteignum sem oft er sagður heilagur reitur markmanns, hversu gáfulegt sem mönnum þykir það. Hefði dómarinn dæmt rétt hefði aldrei komið til að þyrfti að deila um þetta brot. Svona er endalaust hægt að ræða blessaða dómgæsluna, og ekki höfum við Keflvíkingar farið varhluta af ósanngjarnri dómgæslu. Og eitt úr þessum leik, vinstri bakvörðurinn okkar fékk sko enga vernd hjá dómara þessa leiks, sama hvernig var hnoðast í honum, ekkert dæmt.

Halldór Orri: Kiddi hjálpaði okkur ekkert

Sætt

Sætur sigur í baráttuleik. Lentum tvisvar undir í leiknum, hættum ekki og árangurinn tveggja marka sigur. Stjörnumenn vildu vítaspyrnu og höfðu kannski eitthvað til síns máls. En dómarinn dæmir og dæmdi ekki, og við það fannst mér Stjörnumenn brotna og eftirleikurinn auðveldari en maður hefði haldið, með flottri innkomu Magga Þ og Jóhanns Birnis.

Jóhann kom inná og tryggði Keflavík sigur

Þvílíkur leikur!!!!!!

Þessi leikur í kvöld var sko fullorðins. Ég veit ekki hversu oft í leiknum ég var búinn að afskrifa mína menn, en þvílíkur vilji og orka sem menn búa yfir til að koma til baka og landa sigri. Ég hugsa að Hreggviður sé kominn með snert af ,,flashback", en hann gæti lent í því í annað sinn á sínum ferli að vera kominn í 2-0 á móti Keflavík og missa það í 2-3. En það er einn leikur eftir enn og það getur allt gerst, og reyndar í raun tilviljun hvoru megin sigurinn lendir þegar liðin eru eins jöfn og þau voru í kvöld. Áfram Keflavík.

Aftur vann Keflavík eftir framlengingu

Hentistefna

Hafði þetta sama fólk eitthvað við það að athuga þegar Þráinn Bertelsson færði sig úr Hreyfingunni yfir til VG? Ég minnist þess ekki að kynntar hafi verið samþykktir hinna ýmsu stofnana VG í tilefni þeirra vistaskipta. En það er kannski allt annars eðlis.

Rétt að Atli víki af þingi