Leggja niður Ríkisendurskoðun

Ef Davíð væri enn við völd þá myndi hann bara leggja niður Ríkisendurskoðun eins og hann gerði við nokkrar stofnanir ef þær voru með eitthvert múður.

Þjórsársamningur án lagastoðar

Fleiri hraðakstursgötur

Það eru fleiri íbúðargötur þar sem hraðakstur er stundaður. Ég get nefnt sem dæmi Tjarnargötu ofan Hringbrautar. Þegar bílar koma niður brekkuna fyrir ofan Sunnubraut eru þeir oft á ansi miklum hraða. Og ég veit að það er töluvert af börnum þarna í hverfinu. Örugglega er svipað uppi á teningnum með Aðalgötuna ofan Hringbrautar enda eru báðar þessar götur svokallaðar tengibrautir, þ.e. ef Aðalgatan telst ekki stofnbraut, en hún tengist beint upp á Reykjanesbraut ofan byggðar.

„Við viljum ekki sjá annað svona slys í götunni okkar“

Dýrt heitt vatn

Eitthvað finnst mér bogið við þessa frétt. Maðurinn stelur 3 tonnum af heitu vatni og er búinn að greiða fyrir það kr. 260.000!! Ég man nú ekki rúmmetraverðið svo nákvæmlega en ég hélt að það væri einhversstaðar í krinum 100 kallinn, þannig að það er ekki skrýtið að hann hafi reynt að stela þessu rándýra vatni. Í minni eðlisfræði er 1 rúmmetri = 1 tonn. Ef einhver veit betur endilega útskýra það fyrir mér.

Stal 3 tonnum af heitu vatni

Hagnaður fyrir útvalda

Er ekki málið að það eru aðeins útvaldir sem mega hagnast á þessari útrás eigenda símans. Skilmálarnir eru búnir að vera klárir allan tímann og þá á auðvitað að standa við þá þó svo að aðrir en núverandi eigendur símans hagnist nú eða tapi á þeirri sölu hlutabréfanna sem búið var að leggja upp með á þessum tímapunkti. Og það sem Geir H Haarde segir að hlutabréfin verði betri markaðsvara að loknum þessum fresti er bara algjörlega fáránleg ástæða til að gefa þennan frest á að standa við gerðan samning. Og væri ekki bara allt í lagi að almenningur ætti hlutabréf sem væri betri markaðsvara og hagnaðist pínulítið líka.

Steingrímur: Hlutabréf Símans á óþægilega hagstæðu verði?

Kassakvittun

Ég er búinn að starfa sem verslunarstjóri um nokkurra ára bil og hef alltaf lagt á það áherslu við mitt starfsfólk að afhenda viðskiptavinum kassakvittun að loknum viðskiptum. Það fer í taugarnar á mér þegar ég er spurður hvort ég vilji kvittun, sem virðist vera orðin viðtekin venja í verslunum í dag. Frekar vil ég að kvittunin sé rétt viðskiptavini og hann hefur þá frumkvæði að því að afþakka hana. Varðandi misræmi milli kassaverðs og hillumiða þá á viðskiptavinurinn alltaf að njóta lægra verðsins ef misræmi er þar á milli, það eru í raun lög.

Fallist á tilmæli talsmanns neytenda um samræmi hillu- og kassaverðs

Athyglisverðar íþróttafréttir

Eitthvað hefur flokkunin á þessari frétt skolast til, nema það sé orðin íþróttagrein í Hollywood að ná sér í stegg eða gæs

Par eða ekki par?

Kanadísk hús

Þetta er nú dálítið skrýtin fyrirsögn, hér á Íslandi er fullt af kanadískum húsum þannig að maður hélt kannski að það væri eitthvað bogið við þessi kanadísku hús.

Sex fundust látin í kanadísku húsi

Horfið í eigin barm

Fyrst þær náðu ekki að vinna Everton sem átti eiginlega að vera formsatriði áttu þær bara ekki meira skilið. Og ekki kenna öðrum um það er bara laim.

Elísabet: Þýska liðið labbaði bara um völlinn

Auli eða rotta

Ég fékk það á tilfinninguna við að horfa á Kastljósið í kvöld, að annaðhvort væri Vilhjálmur hálfgerður auli eða Bjarni algjör rotta. Ég hallast að því fyrrnefnda. 

Minnist þess ekki að hafa séð minnisblaðið

Öryggismál á byggingarstað

Ég tók eftir því að blaðamaður sem talaði í fréttinni staddur uppi á efstu hæð turnsins á Smáratorgi var ekki með hjálm á höfðinu. Ég hélt bara að það væri algjört skilyrði fyrir því að fá að fara inn á slík framkvæmdasvæði að vera með allar þær persónuhlífar sem starfsmönnum er gert skylt að nota. Kannski smámunasemi en samt........

Á efstu hæð á hæsta húsi landsins