Fótboltafantar eða óheppni

Þá er ferill enn eins knattspyrnumannsin í uppnámi vegna hrottaskapar eða óheppni varnarmanns. Ég vil alls ekki gera mönnum svo illt að þeir ætli að meiða andstæðinga sína á vellinum en oft líta brotin svo illa út að maður gæti haldið að á bak við þau lægi illur ásetningur. Ég rifja enn einu sinni upp brot leikmanns ÍBV á Ingva Rafni Guðmundssyni leikmanni Keflavíkur, líklega í byrjun tímabilsins 2005. En Ingvi hefur ekki getað leikið knattspyrnu síðan nema einhverjar mínútur sem hann reyndi í fyrrasumar en gekk ekki. Það er semsagt búið að kosta hann 3 tímabil þetta hrottalega brot sem var ef ég man rétt lítt eða ekki refsað fyrir, kannski gult spjald en ekki meir. Við skulum nú vona að þetta séu ekki svona slæm meiðsli hjá þessum stórskemmtilega leikmanni Arsenal, þó ég haldi nú ekki með þeim, þá vill maður ekki neinum svo illt að þeir séu úr leik.

Eduardo hjá Arsenal illa slasaður?

Athugasemdir

[Gísli Sigurðsson, 23.2.2008 kl. 14:41]

Ég er búinn að sjá ljósmyndir af brotinu bæði um leið og sparkið kemur og rétt á eftir, og ég held að þessi maður eigi ekki eftir að leika knattspyrnu framar. Fóturinn er í sundur um ökklann.

[Dóri (IP-tala skráð) 23.2.2008 kl. 15:06]

Alveg satt hjá þér að þetta brot er hrikalegt og það kæmi mér ekkert á óvart þótt Eduardo yrði aldrei sami knattspyrnumaðurinn á eftir. Hins vegar held ég að það hafi aldrei verið nokkur ásetningur í Martin Taylor að gera neitt annað en að ná boltanum. Tæklingin virkaði ekki gróf við fyrstu sýn, að mínu mati bara einskær óheppni að svona fór.

[Örvar Már Kristinsson (IP-tala skráð) 23.2.2008 kl. 16:23]

Hér á góð biblíutilvitnun við ....  Tönn fyrir tönn og auga fyrir auga.  Þessi varnarmaður á skilið að vera fótbrotin á sama hátt ... hann kannski hugsar sig þá um tvisvar næst þegar hann ákveður að enda leikferil annars leikmanns.

[Gísli Sigurðsson, 23.2.2008 kl. 21:59]

Örvar, ég held að hann hafi nú ekki ákveðið sisona, heyrðu best að brjóta löppina undan einhverjum í dag, látum okkur nú sjá, já Eduardo væri fínn í það.

[Gunnar jónsson (IP-tala skráð) 23.2.2008 kl. 23:22]

Tja " Tæklingin virkaði ekki gróf við fyrstu sýn, að mínu mati bara einskær óheppni að svona fór" Fyrir fagfólk hjá Sky sjónvarptöðinni virkaði þessi tækling það gróf við fyrstu SÝN að hún var ekki SÝND aftur það segir svolítið!!!....Eða er það ekki?