Vegir og vindar

Ég ákvað að setja þessa færslu aftur hér inn með von um að einhver rekist á þetta og einhver tjái sig um þessar pælingar.

Ég rakst á þessa frétt á visir.is:

Kristján Möller samgönguráðherra veit af eigin reynslu að hálka og vindur hafa áhrif á akstursskilyrði.

„Ég lenti í því á síðasta ári á keyrslu frá Raufarhöfn, var á leiðinni til baka í Kelduhverfi, að mikil vindhviða kom og hálka var á vegi og ekki var hægt að gera annað en að sveigja út af. Sem betur fer var frágangur Vegagerðarinnar á þessu svæði þannig að vel var gengið frá bakka og gamli vegurinn ekki langt undan þannig að hægt var að sveigja í þá áttina. En það voru tvímælalaust vindur og hálka sem gerðu það að verkum að maður lenti út af."

Kristján sagði frá þessu í svari við fyrirspurn Gunnars Svavarssonar um hvort notast væri við rannsóknir á vindum við vegahönnun. Spurningunni svaraði hann játandi.

Ég bý nú í Borgarnesi og heimamenn segja mér að ef vegurinn undir Hafnarfjalli væri lagður neðar í landinu og nær sjó þá værum við laus við þá gífulegu vindstrengi sem oft mælast þar. Eins og glöggir vegfarendur hafa væntanlega séð eru nokkrir sumarbústaðir í skóginum fyrir neðan veg og sagt er að þeir sem þar dvelja verði varla varir við þessi veður sem geysa rétt fyrir ofan þá. Ég veit ekki um aðstæður á Kjalarnesi en það mætti segja mér að svipaðar aðstæður séu þar.

Er þetta merki um að vegagerðarmenn hafi gert ítarlegar rannsóknir á vegarstæðinu áður en til framkvæmda kom?

Ég held bara ekki.

Athugasemdir

[Guðrún Emilía Guðnadóttir, 26.3.2008 kl. 14:44]

Sæll Gísli, nei þetta er ekki merki þess, þeir vinna yfirleitt ekki vinnuna sína hjá Vegagerðinni.
Þar sem ég er nú eldri en þú vinur minn þá man ég lengra aftur í tímann.
leiðin Borgarnes-- Akranes, Kjalarnesið alla leið niður í kollafjarðarbotn eru
hreinar hörmungar að aka er hvasst er, það er akkúrat vegna þess sem þú nefnir. Gæti ég nefnt fleiri staði.
Vegagerð á Íslandi hefur frá því að ég man eftir mér, verið unnin fyrir aftan
afturendann á þeim hjá vegagerðinni.
Við gætum haft flotta vegi á voru landi, ef ætíð hefði verið unnið eftir réttu og föstu skipulagi, komin göng út um allt,
Sjáðu bara leiðina Húsavík -- Þórshöfn við erum búin að þurfa að þola að aka sléttuna eða Axafjaðarheiði í næstum því sama ástandi í 50 ár.
Forkastanlegt! að við skulum, sem skattgreiðendur þessa lands,
láta bjóða okkur upp á þetta. Fyrirgefðu ritgerðina.
                                                   Kveðja Milla.

[Haraldur Haraldsson, 28.3.2008 kl. 17:49]

Þarna er maður þér algerlega sammála,!!!Halli gamli