Merkingar eða skortur á þeim

Það sem mér finnst ábótavant er að merkja svona varhugaverða staði tímanlega ekki bara með einhverju 80X40 cm skilti 400 metrum áður en maður kemur að svæðinu. Það þarf að hafa þetta eins og maður sér erlendis að það eru stór skilti með blikkandi ljósum löngu áður en maður kemur að staðnum sem varhugaverður er. Það er ekki eins og það sé alltaf sama fólkið sem  er að aka þarna um, þetta eru útlendingar og fólk allstaðar að af landinu sem fer þarna kannski um einu sinni á ári, tvisvar á ári eða jafnvel annað hvert ár. Það hlýtur að vera hægt að tryggja með einhverjum ráðum að fólk fari sér hægar þarna í gegnum þessar þrengingar, t.d. með upphleyptum rákum sem er óþolandi að keyra hratt yfir.

Harður árekstur á Reykjanesbraut

Flugvélabensín???

Mótorar þessarra véla nota ekki flugvélabensín heldur sérstaka tegund steinolíu. Og það má setja spurningamerki hvort þetta lífræna eldsneyti er mikið betra fyrir umhverfið og mannkynið almennt. Ef þetta verður þróunin verður meira og meira af ræktunarlandi tekið undir ræktun til eldsneytisframleiðslu og þar af leiðandi hækkar enn verð á korni til manneldis. Og sagt er að þetta sé fyrsta flug með slíku eldsneyti, ég man ekki betur en ég hafi séð álíka frétt fyrir mánuði eða svo á Sky sjónvarpsstöðinni.

Flýgur á lífrænu eldsneyti

Góð úrslit

Þetta voru flott úrslit í þessum 2 leikjum sem skiptu máli. Ég er ekki frá því að Arsenal menn hafi verið slegnir út af laginu horfandi á félaga sínum slátrað svona hrottalega. Á venjulegum degi hefðu þeir rúllað yfir þetta Birmingham lið. En svona er boltinn, það eru slæmir og góðir dagar, en áfram Man Utd.

Man. Utd lék Newcastle grátt, 5:1

Fótboltafantar eða óheppni

Þá er ferill enn eins knattspyrnumannsin í uppnámi vegna hrottaskapar eða óheppni varnarmanns. Ég vil alls ekki gera mönnum svo illt að þeir ætli að meiða andstæðinga sína á vellinum en oft líta brotin svo illa út að maður gæti haldið að á bak við þau lægi illur ásetningur. Ég rifja enn einu sinni upp brot leikmanns ÍBV á Ingva Rafni Guðmundssyni leikmanni Keflavíkur, líklega í byrjun tímabilsins 2005. En Ingvi hefur ekki getað leikið knattspyrnu síðan nema einhverjar mínútur sem hann reyndi í fyrrasumar en gekk ekki. Það er semsagt búið að kosta hann 3 tímabil þetta hrottalega brot sem var ef ég man rétt lítt eða ekki refsað fyrir, kannski gult spjald en ekki meir. Við skulum nú vona að þetta séu ekki svona slæm meiðsli hjá þessum stórskemmtilega leikmanni Arsenal, þó ég haldi nú ekki með þeim, þá vill maður ekki neinum svo illt að þeir séu úr leik.

Eduardo hjá Arsenal illa slasaður?

Vegir og vindar

Ég rakst á þessa frétt á visir.is:

Kristján Möller samgönguráðherra veit af eigin reynslu að hálka og vindur hafa áhrif á akstursskilyrði.

„Ég lenti í því á síðasta ári á keyrslu frá Raufarhöfn, var á leiðinni til baka í Kelduhverfi, að mikil vindhviða kom og hálka var á vegi og ekki var hægt að gera annað en að sveigja út af. Sem betur fer var frágangur Vegagerðarinnar á þessu svæði þannig að vel var gengið frá bakka og gamli vegurinn ekki langt undan þannig að hægt var að sveigja í þá áttina. En það voru tvímælalaust vindur og hálka sem gerðu það að verkum að maður lenti út af."

Kristján sagði frá þessu í svari við fyrirspurn Gunnars Svavarssonar um hvort notast væri við rannsóknir á vindum við vegahönnun. Spurningunni svaraði hann játandi.

Ég bý nú í Borgarnesi og heimamenn segja mér að ef vegurinn undir Hafnarfjalli væri lagður neðar í landinu og nær sjó þá værum við laus við þá gífulegu vindstrengi sem oft mælast þar. Eins og glöggir vegfarendur hafa væntanlega séð eru nokkrir sumarbústaðir í skóginum fyrir neðan veg og sagt er að þeir sem þar dvelja verði varla varir við þessi veður sem geysa rétt fyrir ofan þá. Ég veit ekki um aðstæður á Kjalarnesi en það mætti segja mér að svipaðar aðstæður séu þar.

Er þetta merki um að vegagerðarmenn hafi gert ítarlegar rannsóknir á vegarstæðinu áður en til framkvæmda kom?

Mistök í Gettu betur?????????????

Og hver voru mistökin????? Ég held að aðalmistökin séu hér, bara fyrirsögn en engin frétt.

Mistök í Gettu betur

Mínir menn í lægð

Mínir menn virðast nú vera í einhverri lægð þessa dagana. Ég vona bara að það sé bara einhver smálægð og þeir komi aftur upp fyrir úrslitakeppnina. En það verður að segjast að KRingar eru firnasterkir og endurkoma Jeremiah Sola hefur virkilega styrkt þá.

KR ekki í vandræðum með Keflavík

Hvað um dúett?

Hvernig væri að Geir og Vilhjálmur tækju bara dúett, þeir eru svo góðir gæjar.

Forsætisráðherra ætlar að taka lagið

Spjaldaglaður dómari

Er þetta ekki sami dómari og dritaði spjöldum hægri  vinstri um daginn í leik Man Utd á móti Tottenham minnir mig. Menn fengu spjald ef þeir svo mikið sem ropuðu of nálægt honum. Minnir að hann hafi náð að sýna gula spjaldið 12 eða 13 sinnum í þeim leik.

Brottvísun Bowyers felld niður

Hræðileg frétt

Vonandi nær flugmaðurinn að lenda vélinni þannig að hægt verði að bjarga honum heilum á húfi.

Flugvél á leið í hafið