Fair play

Ég má víst ekki segja það sem mér dettur í hug núna. Hörum það bara svona: GÞ

Leikmenn slógust (myndband)

Vanhæft fólk á ritaraborði

Var einmitt á leik í DHL höllinni fyrr í vikunni, og þar komu ítrekað upp tilvik þar sem starfsmenn á ritaraborði gerðu mistök sem reyndar ágætir dómarar leiksins sáu, eða var bent á þannig að þeir gátu leiðrétt þau strax. Stig voru sett á rangt lið, skotklukka fór ekki í gang, leikklukkan gekk þegar leikur var stöðvaður. Svona á ekki að sjást á heimavelli eins af bestu liðum landsins. Mistökin í þeim leik breyttu engu um úrslit í leiknum en eru samt óþolandi.

Ágúst ósáttur við framkvæmdina

Heilbrigðisstofnun Suðurnesja

Ég veit ekki alveg hvort ég á að þora að segja það sem mig langar að segja núna. En þannig er mál með vexti að ég þurfti að skreppa á Heilsugæsluna hér í Keflavík. Ekkert mál með það, hitti lækninn og fékk úrlausn minna mála og svona. En það sem stakk mig var að innan við afgreiðsluborðið voru taldist mér til einir 4 starfsmenn sem stóðu þar aðgerðar/verkefnalausir og spjölluðu saman. Þetta er ekki fyrsta skipti sem ég sé svona stöðu þarna og fólk sem ég hef sagt frá þessu taka undir með mér. Kannski hitti ég bara svona á að það sé akkúrat kaffitími starfsmanna þegar ég kem, en samt held ég að þetta sé ekki kaffistofan þeirra. Punkturinn sem ég er að benda á er sá að það er verið að tala um samdrátt og sparnað. Þarna sé ég ekki annað en hægt sé að spara einhverjar krónur. Það er alveg öruggt að væri svona staða uppi á mínum vinnustað yrði gripið til aðgerða til að spara peninga, enda strangt aðhald viðhaft í starfsmannahaldi. Ég bara varð að koma þessu frá mér, hafi einhver sem les þetta eitthvað við þetta að athuga, þá vil ég endilega fá svör og rökstuðning fyrir því ef þetta er tóm steypa sem ég er að fara með hér.

En hvað er hann breiður?

Snjórinn mældist 61 cm á hæð í Minnesota. Hvað skyldi hann hafa verið breiður? Þetta eru miklir ritsnillingar þarna á mbl.is

Snjódýptin allt að 60 cm

Ekki leiðinlegt

Það var ekki leiðinlegt að eyðileggja meistaradrauma Vestmannaeyinga. Verst að Tryggvi var ekki með til að fá fagnið sitt í andlitið eftir líklega 3 markið okkar. Held að mínir menn hafi verið að spila sinn besta leik á þessu sumri, enda flestir okkar lykilmenn heilir sem ekki hefur verið raunin í sumar. Nú er bara að byggja ofan á það sem við sáum í dag og nýta þessa ungu stráka sem eru að koma upp úr yngri flokka starfinu okkar. Arnór Ingvi á sínu fyrsta ári í 2. flokki, Bojan verið að fá nokkrar mínútur í sumar, og þeir skora báðir í þessum leik. Áfram Keflavík, alltaf.

Keflavík gerði út um vonir Eyjamanna

Blaða-menn eða börn.

Að lesa þenna texta er slík hörmung, burt séð frá því hvort manni finnst stjórnvöld í Bandaríkjunum vera þess megnug að segja öðrum þjóðum til um það hverja megi taka af lífi á vegum stjórnvalda. Í fyrsta lagi hafa Bandaríkin áhyggjur um baráttumenn. Í öðru lagi er talað um stjórnvöld í Íran en svo er allt í einu talað um írösku ríkisstjórnina, en það er væntanlega ríkisstjórn Íraks. Það er bara hætt að vera fyndið hverslags bögubósar starfa þarna á gamla mogga.

Ef ég þekki moggamenn rétt verður búið að leiðrétta þenna hræðilega texta skömmu eftir að þetta er komið hér inn. Það er hálfskammarlegt að það skuli þurfa bloggararæfla úti í bæ til að prófarkalesa allan texta sem hér er framsettur.

Bandaríkin skora á Írana að fresta aftökum

Nýr þjálfari 2011, mín spá

Ég spái því að ef Kristján Guðmundsson nær góðum árangri með HB í Færeyjum verði hann næsti þjálfari KRinga og örugglega tekur hann Simun Samuelsson með sér í Vesturbæinn. Munið bara hvar þið lásuð þetta fyrst.

Loga sagt upp hjá KR

Spjaldaglaður Jarl

Það er aldeilis að Gunnar Jarl er spjaldaglaður í kvöld. Hlýtur að vera verðskuldað þó Vestmannaeyingnum sem er að lýsa á fotbolti.net finnist sumt af þeim frekar soft. þegar þetta er skrifað eru líklega 10 mínútur eftir og komin 7 gul.

Eiður tryggði ÍBV sigur á Keflavík

Góður sigur

Þetta var virkilega kærkominn sigur, eftir dálítið skrölt undanfarið. Toppsætið okkar eins og er. Svo er það FH á sunnudaginn 4. júlí. FHingar særðir eftir útreið á móti frískum Stjörnumönnum. Ekki skemmir fyrir að leikurinn á sunnudaginn er vígsluleikur á nýju grasi á vellinum okkar sem mér sýnist lofa góðu. Þó ég sé ekki grasafræðingur sýnist mér völlurinn vera flottur og grasið hefur sprottið vel í þessu flotta sumri sem hér hefur verið. Áfram Keflavík.

Keflavík á toppinn eftir sigur á Val

Spjaldakóngar

Ég er ekki með tölfræðina fyrir framan mig, en er eitthvert lið í Pepsideildinni komið með fleiri spjöld en Fylkir? Þeir spila ótrúlega fast, sumir myndu segja gróft. En þetta virðist vera vörumerki liða sem Óli Þórðar stýrir.

Eyjamenn komnir á toppinn