Fótboltafantar eða óheppni

Þá er ferill enn eins knattspyrnumannsin í uppnámi vegna hrottaskapar eða óheppni varnarmanns. Ég vil alls ekki gera mönnum svo illt að þeir ætli að meiða andstæðinga sína á vellinum en oft líta brotin svo illa út að maður gæti haldið að á bak við þau lægi illur ásetningur. Ég rifja enn einu sinni upp brot leikmanns ÍBV á Ingva Rafni Guðmundssyni leikmanni Keflavíkur, líklega í byrjun tímabilsins 2005. En Ingvi hefur ekki getað leikið knattspyrnu síðan nema einhverjar mínútur sem hann reyndi í fyrrasumar en gekk ekki. Það er semsagt búið að kosta hann 3 tímabil þetta hrottalega brot sem var ef ég man rétt lítt eða ekki refsað fyrir, kannski gult spjald en ekki meir. Við skulum nú vona að þetta séu ekki svona slæm meiðsli hjá þessum stórskemmtilega leikmanni Arsenal, þó ég haldi nú ekki með þeim, þá vill maður ekki neinum svo illt að þeir séu úr leik.

Eduardo hjá Arsenal illa slasaður?

Vegir og vindar

Ég rakst á þessa frétt á visir.is:

Kristján Möller samgönguráðherra veit af eigin reynslu að hálka og vindur hafa áhrif á akstursskilyrði.

„Ég lenti í því á síðasta ári á keyrslu frá Raufarhöfn, var á leiðinni til baka í Kelduhverfi, að mikil vindhviða kom og hálka var á vegi og ekki var hægt að gera annað en að sveigja út af. Sem betur fer var frágangur Vegagerðarinnar á þessu svæði þannig að vel var gengið frá bakka og gamli vegurinn ekki langt undan þannig að hægt var að sveigja í þá áttina. En það voru tvímælalaust vindur og hálka sem gerðu það að verkum að maður lenti út af."

Kristján sagði frá þessu í svari við fyrirspurn Gunnars Svavarssonar um hvort notast væri við rannsóknir á vindum við vegahönnun. Spurningunni svaraði hann játandi.

Ég bý nú í Borgarnesi og heimamenn segja mér að ef vegurinn undir Hafnarfjalli væri lagður neðar í landinu og nær sjó þá værum við laus við þá gífulegu vindstrengi sem oft mælast þar. Eins og glöggir vegfarendur hafa væntanlega séð eru nokkrir sumarbústaðir í skóginum fyrir neðan veg og sagt er að þeir sem þar dvelja verði varla varir við þessi veður sem geysa rétt fyrir ofan þá. Ég veit ekki um aðstæður á Kjalarnesi en það mætti segja mér að svipaðar aðstæður séu þar.

Er þetta merki um að vegagerðarmenn hafi gert ítarlegar rannsóknir á vegarstæðinu áður en til framkvæmda kom?

Mistök í Gettu betur?????????????

Og hver voru mistökin????? Ég held að aðalmistökin séu hér, bara fyrirsögn en engin frétt.

Mistök í Gettu betur

Mínir menn í lægð

Mínir menn virðast nú vera í einhverri lægð þessa dagana. Ég vona bara að það sé bara einhver smálægð og þeir komi aftur upp fyrir úrslitakeppnina. En það verður að segjast að KRingar eru firnasterkir og endurkoma Jeremiah Sola hefur virkilega styrkt þá.

KR ekki í vandræðum með Keflavík

Hvað um dúett?

Hvernig væri að Geir og Vilhjálmur tækju bara dúett, þeir eru svo góðir gæjar.

Forsætisráðherra ætlar að taka lagið

Spjaldaglaður dómari

Er þetta ekki sami dómari og dritaði spjöldum hægri  vinstri um daginn í leik Man Utd á móti Tottenham minnir mig. Menn fengu spjald ef þeir svo mikið sem ropuðu of nálægt honum. Minnir að hann hafi náð að sýna gula spjaldið 12 eða 13 sinnum í þeim leik.

Brottvísun Bowyers felld niður

Hræðileg frétt

Vonandi nær flugmaðurinn að lenda vélinni þannig að hægt verði að bjarga honum heilum á húfi.

Flugvél á leið í hafið

Flottir bakarar

Þetta er flott framtak hjá ykkur í Guðnabakaríi. Ég bið að heilsa ykkur frændum, frænkum og vini mínum Guðna bakara, sakna þess að hann vantar á myndina.

20 kílóa rjómabolla

Vitleysingar

Ég segi nú bara vitleysingar. Ég man fyrir dálítið mörgum árum að ég þurfti oft að fara Hellisheiðina þá lenti ég stundum í því að það var svarta þoka. Þá keyrði maður varlega og var kannski á 70 - 80 km hraða. En þá voru alltaf einhverjir sem kunnu leiðina betur en flestir aðrir og svifu framúr manni á 90 - 100 km. hraða og hurfu út í sortann.  Þetta eru menn af sama sauðarhúsi sem keyra á 130 -140  í fljúgandi hálku.

Ók á 137 km hraða í fljúgandi hálku

Eðlilegt

Þó vissulega væri gaman fyrir Beckham að ná 100 leikjum þá er bara ekki hægt að velja hann bara til að ná því takmarki. Maðurinn hefur ekki spilað leik í einhverja mánuði og Capello ætlar að fara að byggja upp nýtt lið.  Sama er með Owen, það er ekki hægt að velja hann vegna þess að hann var einu sinni góður. Verst að Cristiano Ronaldo skuli ekki vera enskur. Gaman verður að sjá hvern hann velur í markið, það hlýtur að vera hans versta martröð.

 

Owen ekki í landsliðshópnum