Hvaða hvaða?

Hvernig er það þegar menn eru með svona dýr tæki í höndunum, er ekki hafður tékklisti við höndina rétt eins og í flugi? Það er alveg sama hversu oft menn fara í loftið og lenda, það er algjört lykilatriði að fara alltaf yfir tékklistann og treysta aldrei á minnið eitt. Mér finnst að það ætti að vera svipað í svona farartækjum að það sé stuðst við lista yfir það sem gera þarf þegar lagt er úr höfn og svo aftur þegar komið er í höfn. Kannski er svona listi, þekki það ekki, en þá þarf líka að fara yfir hann.

Annar veltiuggi Herjólfs skemmdur

En stórnotendur?

Nær þessi hækkun líka yfir samninga við þessa stóru eins og Alcan og Norðurál og hvað þau heita öll þessi álfyrirtæki, eða eigum við smælingjarnir bara að sjá um að borga niður milljarðaskuldirnar. Því að þessi hækkun hlýtur að ganga alla leið niður í smásöluverðið, eða hvað?

Landvirkjun hækkar gjaldskrá

Gangadeildir

Það eru ekki mörg ár síðan sýndar voru myndir af yfirfullum legudeildum á Landspítala og þar voru sjúklingar látnir hýrast í rúmum frammi á göngum fyrir allra augum. Eins slæmt og það er að þurfa að dvelja á sjúkrahúsi, sem ég persónulega sem betur fer hef ekki reynslu af nema sem aðstandandi, þá hlýtur það að vera hálfu verra að vera liggjandi á göngum sjúkrahúss. En ef það vantaði legurými fyrir nokkrum mánuðum, hvernig er þá hægt að fækka þeim núna? Ég er bara svo einfaldur að ég skil það ekki.

Legurúmum fækkað á Landspítala

Hörmung

Ég var að hugsa það hvort þeir hefður belgt sig út af skyri mínir menn fyrir leikinn á móti Njarðvík í kvöld. Þvílíka hörmung hefur maður sem betur ekki séð til þeirra. Maður fékk reyndar smá tilfinningu fyrir því hvernig mönnum hefur liðið í gegnum árin þegar þeir hafa verið að lenda fyrir hraðlestinni.

En annars er ljós punktur í þessu, nú getur leiðin aðeins legið upp á við, næst eru það KRingar sem töpuðu í kvöld fyrir Stjörnunni sem borin er uppi af stjörnuleikmanninum Justin Shouse.

Njarðvík vann Keflavík - Marvin góður gegn Blikum

Hvar er Keflavík??

Ég hef tekið eftir því að umfjöllun um leiki Keflavíkur hefur verið af mjög skornum skammti þetta haustið. Ég man ekki eftir því að komið hafi ein einasta mínúta á sjónvarpsstöðvunum úr leikjum þeirra. Þeir eru enn í toppbaráttu, búnir að tapa aðeins einum leik. Nú ætlaði ég að fylgjast með leik Keflavíkur og ÍR á KKÍ Live, en nei ekkert. Ég veit ekki hverjum það er að kenna, gruna að það séu heimamenn sem eru að klikka á þessu. Þannig að hjálpast allt að við að gera þá nánast ósýnilega.

Öruggur sigur Íslandsmeistarana í Grafarvogi

Skortur á breidd

Þetta er það sem ég var búinn að spá að gæti gerst hjá Stjörnunni. Þeir hafa hreinlega ekki næga breidd í sínum leikmannahóp til að geta orðið meðal efstu liða í þessari deild. Nú er Fannar meiddur en er væntanlegur fljótlega. Justin Shouse skoraði 38 stig, enda er maðurinn algjör snillingur. En að einn maður beri uppi liðið í gegnum heilt mót gengur bara ekki upp. Nú er bara að vona að mínir menn í Keflavík taki ÍRingana á morgun.

Tindastóll stöðvaði Stjörnuna

Öruggt

Þetta var nokkuð öruggur sigur á annars sterku liði Stjörnunnar, sem mörgum finnst hafa komið á óvart í haust. En ég held að enginn eigi að vera hissa á stöðu þeirra í deildinni, þeir eru með nokkra frábæra leikmenn t.d. Justin Shouse sem er líkleg einn af 10 bestu erlendu leikmönnum sem hér hafa leikið. Þá er Jovan Sdradevski, eða hvað hann heitir sá ágæti maður,  líka hörku körfuboltamaður. En líklega er það breiddin sem fer með möguleika á að klára þetta í einu af efstu sætum deildarinnar. En þeir áttu sem sagt aldrei séns i kvöld, og vonandi eru mínir menn að ná sínum fyrri styrk þó mér finnist þeir ekki hafa verið mjög sannfærandi í öllum leikjum sem ég hef séð með þeim í haust. 

Bikarmeistararnir úr leik

Eldurinn var að leysa sig í bílinn!!!!!!!!!!!!!!!!

Getur einhver sagt mér hvað þetta þýðir. Ég veit að eldur getur læst sig í hluti, en ég vissi ekki að hann leysti sig í hluti. En svo lengi lærir sem lifir. En ef að líkum lætur verður búið að leiðrétta þetta innan skamms og þá lítur þetta blogg illa út.

En fyrir mestu var að enginn meiddist.

Sluppu naumlega úr bruna

Ótrúlega létt.

Þetta var ótrúlega létt hjá mínum mönnum í kvöld. Fjölnir stóð í Grindvíkingum um helgina meðan Keflavík tapaði fyrir Stjörnunni. En það sem var sérstakt við leikinn og ég man ekki eftir að hafa séð áður, var að allir 12 leikmenn Keflavíkur skoruðu.

Stórsigur Keflvíkinga gegn Fjölni

Takk Kristján

Ég fyrir mitt leiti vil þakka Kristjáni fyrir þessi 5 ár sem hann hefur þjálfað Keflavíkurliðið. Þetta eru búin að vera skemmtileg tímabil sem hann er búinn að vera með liðið og fínn árangur náðst, þó að endirinn á tímabilinu í fyrra hafi valdið vonbrigðum. En þeir 2 þjálfarar sem mér fannst koma til greina voru Kristján áfram eða Willum sem nú virðist ætla að verða niðurstaðan. Ég býð Willum velkominn og þakka Kristjáni fyrir frábæran tíma og óska honum góðs gengis á nýjum vettvangi.

Áfram Keflavík.

Kristján ekki áfram með Keflavík