Líta vel út

Ég verð að segja það eftir að hafa séð Keflavík spila í 2 af þessum 3 leikjum, þá líta þeir bara vel út og til alls líklegir í sumar. En það er víst langur vegur frá þessum vorleikjum og að alvörunni í sumar. Maður hefur oft séð lið brillera á vorin og detta svo í bullið á sumrin. Bjarni Hólm kemur feykilega vel út í miðverðinum, Simun alveg baneitraður og átti stoðsendingar í öllum mörkunum.

Keflvíkingar með fjögur gegn Fram

Góður dómari

Ég verð að hrósa dómaranum í þessum leik. Ég verð enn og aftur að lýsa svekkelsi mínu frá fyrra sumri þegar við Keflvíkingar misstum af Íslandsmeistaratitlinum í síðasta leik. Þá vorum við komnir í 1-0 og áttum að fá víti í nánast nákvæmlega eins atviki og Man Utd fékk víti út á. En í stað þess að dæma víti á Fram fékk okka leikmaður Simun Samuelsson gult spjald fyrir leikaraskap frá hinum annars ágæta dómara Jóhannesi Valgeirssyni. Ég vænti þess að Jóhannes þessi hafi eftir að hafa séð atvikið í sjónvarpi viðurkennt mistök sín. Jæja ætli þetta sé ekki orðið gott af svekkelsi, nú er bara að klára þennan leik með að minnsta kosti jafntefli og helst sigri, og síðan vonar maður það besta fyrir sumarið.

Liverpool fagnaði stórsigri á Old Trafford

Burtfararpróf að eigin sögn!!

Þetta er nú dálítið skondið, ,,lauk svo að eigin sögn námi frá óperustúdíóinu í Zurich í Sviss árið 1986". Á hann enga pappíra upp á það?

 

Guðbjörn fer í prófkjörsslaginn

Köben

Í fyrramálið kl. 7:15 erum við hjónakornin að fara í loftið með Iceland Express.Ferðinni er heitið til Kaupmannahafnar þar sem Ráðhildur systir tekur á móti okkur og við fáum gistingu hjá henni í Gundsömagle sem er í nágrenni Hróarskeldu. Þarna ætlum við að vera fram á laugardag nema að 2 síðustu næturnar ætlum við að vera á hóteli í hjarta Kaupmannahafnar. Þegar heim verður komið tekur við nýtt starf í Samkaup strax á Hringbraut í Keflavík. Ágætt að kúpla sig aðeins frá stritinu áður en maður tekur til hendinni á nýjum vettvangi.

Lítil haglabyssa ætluð börnum!!!!!!!!

Hvenær ætla Bandaríkjamenn að læra? Ég held að þetta toppi allt sem maður hefur heyrt af þessari Guðs útvalinni þjóð og meðferð og eign þeirra á byssum. Lítil haglabyssa ætluð börnum!! Til hvers? Hvernig dettur fólki svona andsk.... vitleysa í hug. Er nokkurt annað land á þessari jörð sem umgengst byssur á svipaðan hátt og Bandaríkjamenn? 

11 ára drengur ákærður fyrir morð

Markaskorari af guðs náð!

Það má segja að Gary Neville sé markaskorari af guðs náð, hann hefur skorað meira en 1 mark á hverja 100 spilaða leiki

Neville framlengir við Manchester United

Rækjan og Húsavík

Ef svo færi að rækjan finndist á ný í veiðanlegu magni er búið að búa svo um hnútana að tæplega verður farið af stað með rækjuvinnslu á Húsavík á nýjan leik. Ef ég man rétt var gengið þannig frá málum að þeir Samherjamenn eignuðust rækjuvinnsluna þar og þeir komu og hreinsuðu allt út úr húsinu sem hægt yrði að nota til rækjuvinnslu.  Sjálfsagt deilir fólk á Húsavík/Norðurþingi um það hverjum er um að kenna en útgerðarsagan þar og hnignun útgerðar á síðustu áratugum er ein sorgarsaga. Ekki að ég hafi svo mikið vit á þeirri sögu en þann stutta tíma sem ég bjó á Húsavík komst ég ekki hjá því að heyra það hvernig bæjarstjórnarmenn sitjandi í meirihluta og fyrrverandi meirihlutamenn kenndu hverjir öðrum um hver bæri sökina á því hvernig komið væri fyrir óskabarni bæjarins Fiskiðjusamlagi Húsavíkur.

Rækja unnin á ný á Siglufirði

Já takk

Ég ætla að fá 20 svona stykki.

Boða tilkomu eilífðarperu

Dapurt hjá mínum mönnum

Skrapp á leikinn í morgun og þetta var nú svona frekar dapurt hjá mínum mönnum. Reyndar verð ég að taka upp hanskann fyrir þá, því FHingar voru að ég held með sitt sterkasta lið frá því í fyrrasumar meðan guttar sem maður hefur ekki séð með meistaraflokki voru að spila fyrir okkur. Alltaf leiðinlegt að tapa fyrir FH en við tökum þá bara í sumar.

FH sigraði Keflavík í úrslitaleik

Valur Orri Valsson

Það er athyglivert við þennan leik að Valur Orri Valsson, 14 ára sonur Vals Ingimundarsonar lék með Njárðvíkingum í kvöld. Ég veit ekki hversu margar mínútur hann lék en hann náði þó að skora 2 stig að ég held. Við skulum fylgjast vel með þessum dreng, mig grunar að hann eigi eftir að koma talsvert við sögu körfuboltans á Íslandi næstu árin.

FSu sigraði í Njarðvík