Helv.... vatnið

Já það er þetta með helvítis vatnið, það hafa margir drukknað í því.

Lést vegna ofneyslu vatns

Þágufallssýkin herjar á mbl.is

Ég veit að það lítur illa út að setja hér inn athugasemd við málfarið í greininni, því að það verður örugglega leiðrétt fljótlega. En að hafa eftir Roy Keane: ,,Mér hlakkar til að byggja á þeirri reynslu einhventímann í framtíðinni". Manni verður bara illt.

Roy Keane segist snúa aftur til þjálfunar

Holdgerfingur Keflavíkur og rokksins

Með Rúnari er genginn einn mesti Keflvíkingur og rokkari okkar tíma. Ég man þegar sveitarfélögin okkar sameinuðust og skipt var um nafn og tekið upp nafnið Reykjanesbær hótaði goðið að flytja úr bænum, sem hann að sjálfsögðu stóð ekki við, hann einfaldlega bjó bara áfram í Keflavík. Ég votta Maríu og sonum þeirra og öðrum ættingjum og vinum samúð mína.

Rúnar Júlíusson látinn

Baugsmiðlar??

Eru þetta þá allt orðnir Baugsmiðlar eða er verið að Þurrka þann stimpil út?

Fréttablaðið og Árvakur saman

Sorry, ég þarf að vinna!!!

Kannski er ég svona lánsamur, en staðan er bara þannig að ég þarf að stunda mína vinnu og get ekki verið á sprangi um miðjan dag, hversu góður sem málsstaðurinn er. Og staðreyndin er að það verður ekki unnið á þessum vandamálum nema með þrotlausri vinnu.

Bubbi útilokar ekki pólitískt framboð

Davíð, tala þú líka varlega.

Þetta er sjálfsagt rétt hjá Davíð. En hann ætti sjálfur að líta í eigin barm, lýsti hann ekki sjálfur því yfir nú í vor eða sumar að fasteignaverð myndi lækka um þríðjung á næstu mánuðum?

Davíð: Menn tali varlega

Fótbolti

Nú er kominn sunnudagur og réttur sólarhringur síðan við klúðruðum því að landa okkar fyrsta Íslandsmeistaratitli í 35 ár. Á þessum sólarhring hélt ég að sárindin yrðu horfin, en það er ekki alveg svo. Þau hafa kannski dofnað en þau eru ekki horfin. Ég sagði við Gísla Árna sem var nánast niðurbrotinn eftir leikinn að ég væri nú búinn að bíða lengur en hann. Ég fékk stutt svar um hæl: En þú hefur upplifað það að vinna titil. Við vorum svo ótrúlega nálægt því, og bara fyrir viku vorum við 4 mínútur frá því að landa titlinum. En á einni viku rann þetta bara frá okkur á einhvern ótrúlegan hátt. Í dag var ég að heyra þær fréttir að Kristján Guðmundsson væri að fara að taka við Fylki. Ég neita bara að trúa því, en heimildamaður minn fyrir þessu hefur reyndar alveg ótrúleg sambönd og ég er skíthræddur um að hann hafi eitthvað til síns máls.Reyndar er það stundum þannig að þjálfari kemst ekki nema svo og svo langt með tiltekinn mannskap. En ég held að Kristján sé ekki kominn á leiðarenda með sína stráka í Keflavík. Sé hann að fara að taka við Fylki þá held ég að hann sé að fara illa með sinn þjálfaraferil. Niðurstaða: Hann er ekki að fara fet. Áfram Keflavík

Ánægður með dómgæsluna!!

Ég ætla að byrja á því að taka það fram að það var ekki dómaranum að kenna að Keflvíkingar urðu ekki Íslandsmeistarar í dag. Það var bara einbeitingarskortur og skortur á skynsemi og grimmd. En það var einn krítískur dómur í leiknum sem hefði auðveldlega getað gert það að verkum að við hefðum náð að klára þetta með sóma. Þegar Simun tekur skot og Hannes ver og Simun nær boltanum aftur og kemur honum framhjá Hannesi en Hannes grípur þá um fót Simuns þannig að hann fellur. Í stað þess að dæma vítaspyrnu þá spjaldar Jóhannes dómari Simun fyrir leikaraskap. Þvílík þvæla. Ég hef enga trú á að sú staðreynd að þjálfari Framara og dómarinn eru frá sama kaupstaðnum á Norðurlandi hafi haft eitthvað með þetta að gera. En ef þið skoðið myndband sem er á vf.is sést að þetta var klárlega rangur dómur og sú staðreynd að Jóhannes var í mjög góðri aðstöðu til að sjá þetta. En að lokum óska ég FHingum til hamingju með titilinn. Ekki orð um það meir.

Þorvaldur: Hálf súrealískur leikur

Svekkelsi

Þetta var ansi svekkjandi endir á annars frábærum leik. En nú helst spennan alveg fram í síðustu umferð, að öllum líkindum. Ég hef enga trú á að Blikum takist að stríða FHingum í leiknum sem fram fer nú í vikunni. Þeir eru í tómu bulli þessa dagana, töpuðu reyndar fyrir frábærum Keflvíkingum um daginn og síðan fyrir Fylki í dag. Þeir eru þar með búnir að klúðra tímabilinu hjá sér. En það gæti svo sem hjálpað þeim í leiknum við FH að það er engin pressa á þeim þannig að þeir gætu svo sem alveg náð sínum leik eins og þeir geta best spilað, því þeir eru með fanta gott lið og geta spilað fjári skemmtilegan leik. En annars þurfum við bara að spila okkar leik á laugardaginn kemur og þá er titillinn okkar. Áfram Keflavík

FH - Keflavík, 3:2

Er þetta algengt?

Ætli þetta sé samskonar stykki og sonur minn sá falla af flugvélinni sem þurfti að nauðlenda á Keflavíkurflugvelli þann 27. júlí síðastliðinn. Ég hef hvergi séð neitt um það að nokkur hlutur hafi losnað af þeirri vél. En þannig háttaði til í því tilfelli að við fjölskyldan vorum að aka eftir Reykjanesbraut og sonur okkar 17 ára segist hafa séð hlut falla frá flugvél sem var nýlega búin að taka á loft. Síðan nálgumst við Keflavík og sjáum þá flugvél koma inn til lendingar, en á þessum tíma dags er lítið um að vélar séu að koma til landsins. Skömmu síðar sjáum við á netinu að flugvél þurfti að koma til lendingar vegna bilunar í hreyfli, en ekki orð um að eitthvað hafi losnað af vélinni. Við hringdum reyndar og létum vita af þessu og talað var við son minn af aðila frá rannsóknarnefnd flugslysa.

Fleki fór af í aðflugi