Háspenna, lífshætta!!!

Þvílík og önnur eins spenna sem var síðustu 20 mínúturnar í þessum leik. Það mátti nánast skera spennuna svo mögnuð var hún. Þó ég hefði fulla trú á mínum mönnum gat alltaf dottið inn mark hjá Börsungum. Sem betur fer kom Eiður allt of seint inn en eins og hann kom inn í þetta hefði hann verið líklegur hefði hann verið settur fyrr inn á. En þá er það bara að klára deildina og halda síðan til Moskvu.

Scholes skaut Man Utd til Moskvu

Fréttir

Ég verð nú að monta mig af því að í fréttum í kvöld á stöð2 þar sem var fjallað um GAS GAS GAS hringitóninn var mynd af bloggsíðunni minni í stóru hlutverki. Þetta var nú soldi skrítið, svona næstum eins og að koma sjálfur í sjónvarpið.

Vááá

Segi ekki meir

Eiður í byrjunarliði Barcelona

Ingimundarson

Ég ætla að giska á að Valur Snjólfur Ingimundarson taki við Njarðvíkurliðinu fyrir næstu leiktíð. Það verður gaman að sjá þá bræður aftur í slagnum.

Teitur hættir með Njarðvík

GAS GAS GAS

Ég segi nú bara eins og löggan góða: GAS, GAS, GAS, GAS, GAS,

Ísskápurinn sprakk í tætlur

Meistaraglampi

Það geislaði meistaraglampi úr augum Keflvíkinga frá fyrstu mínútu í leiknum í kvöld. Væmið?? já kannski svolítið, en skítt með það. Það sást bara allan tímann að þeir ætluðu sér þetta miklu meira en Snæfellingarnir og þeir urðu hreinlega hræddir og eins og Gaui Skúla sagði í hálfleik, hann gaf þeim 5 mín í seinni hálfleik og ef þeir kæmust ekki inn í leikinn þá, þá væri þetta komið.

Til hamingju við allir Keflvíkingar nær og fjær. Þá er bara að vona að fótboltinn verði í svipuðum gír í sumar, bjartsýnn??? Já kannski smá.

Keflvíkingar Íslandsmeistarar

Ábyrgðarleysi

Mér finnst þessir menn sýna algjört ábyrgðarleysi. Ef slys verður austan við lokunina hvernig ætla þessir menn að réttlæta það að sjúkra og tækjabílar komast ekki á staðinn? Að sjálfsögðu færa þeir sig ef björgunarmenn þurfa að komast framhjá en það getur tekið dýrmætar mínútur að greiða úr flækjunni sem myndast við svona aðgerðir. Ég segi fyrir mig að þessir menn eiga ekki mína samúð. Veit einhver hverju þeir eru að mótmæla? Er það olíuverðið eða vökulögin. Olíuverðið er ekki á  valdi okkar Íslendinga að stjórna en vökulögin ætti auðvitað að vera hægt að lagfæra með reglugerðarbreytingum, skítt með Brussel.

Bílstjórar „taka hvíldartíma"

Líklegt eða þannig

Það er nú aldeilis líklegt að Geir H Haarde höggvi á einhvern hnút. Nei fyrr myndi ég trúa að hann flygi um loftin blá í Superman búningi en hann taki af skarið í erfiðum málum.

En aftur á móti finnst mér hálffyndið að framsóknarmenn séu eitthvað að belgja sig út í þessu máli. Hvað eru þeir búnir að stjórna þessu landi í mörg ár ég hef enga trú á að þeir komi nokkru til leiðar með svona áróðursfundi.

Skora á forsætisráðherra að höggva á hnútinn

Körfubolti

Það er kannski að bera í bakkafullan lækinn að fara að tala um körfubolta. En ég ætla samt að gera það. Ég er búinn að mæta á 3 síðustu leiki Keflavíkur gegn ÍR og þeir hafa allir unnist með miklum mun. Þegar maður hugsar um það hversu stórir þessir sigrar hafa verið þá furðar maður sig á því hvernig Keflavík gat tapað fyrir þessu ÍR liði. Nú ætla ég ekki að gera lítið úr ÍRingum en það var eitthvað mikið sem vantaði upp á hjá þeim í þessum leikjum. Kannski er það þessi klassíska skýring, reynslan sem býr í Keflavíkurliðinu af því að taka þátt í svona úrslitarimmum hefur kannski fleytt þeim þetta langt. En nú er það nýtt verkefni sem er framundan, en það er baráttan við Snæfell. Ég held að það geti orðið rosaleg rimma og verst að ég get nú líklega ekki mætt á nema hluta þeirra leikja. Verð á Norðurlandinu á laugardaginn þegar fyrsti leikurinn fer fram, ætla að reyna að fara í Hólminn á mánudaginn. Vonandi verður þetta jöfn og skemmtileg barátta og umfram allt drengileg. 

Það hefur dálítið verið í umræðunni að Keflavík hafi leikið fast og jafnvel gróft og ódrengilega. Ef svo væri þá væri búið að setja saman klippur af þeim fautaskap því að myndavélarnar ná þessu öllusaman.  Ég veit að þeir hafa spilað ákveðna vörn og þar af leiðandi fengið á sig villur í samræmi  við það. En lið sem ekki fær á sig villur í vörninni er ekki að spila vörn, svo einfalt er það.

Glæsilegt

Þetta var ótrúleg endurkoma hjá Snæfellingum en að sama skapi ótrúlegur aulaskapur hjá Grindvíkingum að missa unninn leik niður í framlengingu. En nú verða mínir menn í Keflavík að hrista ÍRingana endanlega af sér á miðvikudag. Ég ætla að mæta eins og á þessa 2 sigurleiki Keflavíkur. Takið frá fyrir mig sæti.

„Sá ótrúlegasti“