Sorry, ég þarf að vinna!!!

Kannski er ég svona lánsamur, en staðan er bara þannig að ég þarf að stunda mína vinnu og get ekki verið á sprangi um miðjan dag, hversu góður sem málsstaðurinn er. Og staðreyndin er að það verður ekki unnið á þessum vandamálum nema með þrotlausri vinnu.

Bubbi útilokar ekki pólitískt framboð

Davíð, tala þú líka varlega.

Þetta er sjálfsagt rétt hjá Davíð. En hann ætti sjálfur að líta í eigin barm, lýsti hann ekki sjálfur því yfir nú í vor eða sumar að fasteignaverð myndi lækka um þríðjung á næstu mánuðum?

Davíð: Menn tali varlega

Fótbolti

Nú er kominn sunnudagur og réttur sólarhringur síðan við klúðruðum því að landa okkar fyrsta Íslandsmeistaratitli í 35 ár. Á þessum sólarhring hélt ég að sárindin yrðu horfin, en það er ekki alveg svo. Þau hafa kannski dofnað en þau eru ekki horfin. Ég sagði við Gísla Árna sem var nánast niðurbrotinn eftir leikinn að ég væri nú búinn að bíða lengur en hann. Ég fékk stutt svar um hæl: En þú hefur upplifað það að vinna titil. Við vorum svo ótrúlega nálægt því, og bara fyrir viku vorum við 4 mínútur frá því að landa titlinum. En á einni viku rann þetta bara frá okkur á einhvern ótrúlegan hátt. Í dag var ég að heyra þær fréttir að Kristján Guðmundsson væri að fara að taka við Fylki. Ég neita bara að trúa því, en heimildamaður minn fyrir þessu hefur reyndar alveg ótrúleg sambönd og ég er skíthræddur um að hann hafi eitthvað til síns máls.Reyndar er það stundum þannig að þjálfari kemst ekki nema svo og svo langt með tiltekinn mannskap. En ég held að Kristján sé ekki kominn á leiðarenda með sína stráka í Keflavík. Sé hann að fara að taka við Fylki þá held ég að hann sé að fara illa með sinn þjálfaraferil. Niðurstaða: Hann er ekki að fara fet. Áfram Keflavík

Ánægður með dómgæsluna!!

Ég ætla að byrja á því að taka það fram að það var ekki dómaranum að kenna að Keflvíkingar urðu ekki Íslandsmeistarar í dag. Það var bara einbeitingarskortur og skortur á skynsemi og grimmd. En það var einn krítískur dómur í leiknum sem hefði auðveldlega getað gert það að verkum að við hefðum náð að klára þetta með sóma. Þegar Simun tekur skot og Hannes ver og Simun nær boltanum aftur og kemur honum framhjá Hannesi en Hannes grípur þá um fót Simuns þannig að hann fellur. Í stað þess að dæma vítaspyrnu þá spjaldar Jóhannes dómari Simun fyrir leikaraskap. Þvílík þvæla. Ég hef enga trú á að sú staðreynd að þjálfari Framara og dómarinn eru frá sama kaupstaðnum á Norðurlandi hafi haft eitthvað með þetta að gera. En ef þið skoðið myndband sem er á vf.is sést að þetta var klárlega rangur dómur og sú staðreynd að Jóhannes var í mjög góðri aðstöðu til að sjá þetta. En að lokum óska ég FHingum til hamingju með titilinn. Ekki orð um það meir.

Þorvaldur: Hálf súrealískur leikur

Er þetta algengt?

Ætli þetta sé samskonar stykki og sonur minn sá falla af flugvélinni sem þurfti að nauðlenda á Keflavíkurflugvelli þann 27. júlí síðastliðinn. Ég hef hvergi séð neitt um það að nokkur hlutur hafi losnað af þeirri vél. En þannig háttaði til í því tilfelli að við fjölskyldan vorum að aka eftir Reykjanesbraut og sonur okkar 17 ára segist hafa séð hlut falla frá flugvél sem var nýlega búin að taka á loft. Síðan nálgumst við Keflavík og sjáum þá flugvél koma inn til lendingar, en á þessum tíma dags er lítið um að vélar séu að koma til landsins. Skömmu síðar sjáum við á netinu að flugvél þurfti að koma til lendingar vegna bilunar í hreyfli, en ekki orð um að eitthvað hafi losnað af vélinni. Við hringdum reyndar og létum vita af þessu og talað var við son minn af aðila frá rannsóknarnefnd flugslysa.

Fleki fór af í aðflugi

Ættarmót

Þá erum við komin heim af ættarmóti. Við systkinin hittumst við Apavatn um helgina eins og einhver líklega 12 - 14 síðustu ár. Þá höfum við hist þessa síðustu helgi fyrir verslunarmannahelgi og gert okkur glaðan dag. Síðustu árin höfum við grillað heilan lambskrokk og 2 - 4 læri að auki. Að sjálfsögðu mætum við systkinin ekki ein heldur okkar makar og börn og aðrir afkomendur líka. Áður en við fórum að hittast við Apavatn höfðum við farið misjafnlega mörg saman í útilegu eitthvert hér á suðvestur horninu. Núna um helgina mættu líklega rúmlega 40 manns og ef að líkum lætur á þessi samkoma okkar aðeins eftir að stækka. Það leit alls ekki nógu vel út með veður framan af vikunni en það rættist úr veðrinu þegar á staðinn var komið. Það rigndi aðeins á föstudagskvöldi og aðfaranótt laugardags hellirigndi en síðan var bara blíða og ekki laust við að maður fengi á sig smá lit. Um helgina voru líka mærudagar á Húsavík og það kom kannski allt eins til greina að skreppa þangað en úr varð að við tókum Apavatn frekar, en sjálfsagt kemur að því að við veljum mærudaga sem líklega verða hér eftir um sömu helgi og okkar samkoma. 

Viðbúnaður við lendingu

Ég og mín fjölskylda vorum á leið til Keflavíkur eftir Reykjanesbraut á móts við Voga eða heldur sunnar kannski um kl. 16:30. Þá segist sonur minn hafa séð einhvern hlut falla frá flugvél sem var nýkomin á loft frá Keflavíkurflugvelli. Það er spurning hvort þetta hefur verið sama flugvélin og þurfti að lenda með þessum viðbúnaði.

Sneri við og lenti í Keflavík

Sjúúkkk

Nú líður mér vel að vita að Britney lítur vel út, ég hafði vissar áhyggjur, verð að segja það.

Britney sögð líta vel út

Valur Ingimundar þjálfar Njarðvík

Ég bloggaði um það þann 26. apríl að Valur Ingimundarson myndi taka við Njarðvíkurliðinu þegar ljóst var að Teitur yrði ekki áfram með liðið. Það hefur nú komið á daginn að ég giskaði rétt á sínum tíma. Reyndar hitti ég Val skömmu eftir þetta og þá var hann nú ekki tilbúinn að viðurkenna að þetta stæði til. En nú háttar svo til að við erum báðir að flytja úr Borgarnesi í Reykjanesbæ. Ég held áfram að styðja mína menn í Keflavík og það verður áfram barátta þeirra bræðra Vals og Sigurðar.

Friðrik verður með Njarðvík

Til hamingju Hermann

Ég óska Hermanni til hamingju með þennan titil. Hann er svo sannarlega vel að þessu kominn baráttujaxl og eðalnáungi þarna á ferð. Ég hefði reyndar frekar viljað sjá mína menn Man Utd vera að berjast um þennan bikar í dag, en þetta er allt í lagi.

Og Hermann, takk fyrir síðast.

 

Hermann enskur bikarmeistari